V3.is býður upp á húsbók eignar, húsfélagsbók og verkbók fagmannsins

Markmið
Að skrá upplýsingar um viðhald fasteigna og varðveita þær

Rafræn viðhaldsbók á netinu
Notendur skrá upplýsingar um framkvæmdir sem þeir standa fyrir á eign sinni og skrifa hjá sér upplýsingar um fagmennina sína. Viðhaldsbókin er opin húseigendum, húsfélögum og fagmönnum. Notendur skrá sig inn sem einstaklinga, gefa upp sína kennitölu og skrá eign sína á eignalistann. Tiltaka þarf kennitölu húsfélagsins þegar eign er skráð á eignalistann til að opna aðgang að viðhaldsbók húsfélags sem eign tilheyrir

Hvað get ég gert sem skráður notandi?

• Þú skráir viðhald sem þú stendur fyrir á fasteign þinni
• Þú skráir nöfn fagmanns og símanúmer
• Þú flettir upp nafni fagmannsins þins næst þegar þú þarft á honum að halda
• Þú skrifar hjá þér hve ánægður þú varst með vinnu fagmanns hverju sinni
• Þú skráir viðhald sem húsfélagið stendur fyrir á fjölbýlishúsi sem þú býrð
• Þú skráir upplýsingar um þig sem fagmann og verkin þín

Viðhaldsbók ehf  Viðhaldsbók ehf var lítið einkahlutafélag, stofnað í febrúar 2007. Vefurinn var settur upp til að gera viðskiptahugmynd að veruleika og gefa notendum kleift að halda utan um viðhaldsupplýsingar um eignir sínar í gegnum netið. Viðhaldsbók ehf verður tekið af skrá sem einkahlutafélag í desember 2009 en vefurinn rekinn áfram af höfundi hans sem hefur áhuga á viðhaldsmálum fasteigna. Ná má tölvupóstsambandi við umsjónarmann vefsins með því að senda tölvupóst á vbok@vbok.is Þrír megin hlutar Viðhaldsbók fyrir fasteignaeigendur, húsfélög og verkbók fyrir fagmenn Vefurinn er gerður fyrir skráða notendur. Aðrir notendur geta skoðað hluta af vefnum en aðeins þeir sem skrá sig inn geta skráð hjá sér upplýsingar um verk sem snýr að viðhaldi fasteignar þeirra, hússins eða verk á þeirra vegum. Notendur geta skráð hjá sér hver vann ákveðið verk og sett símanúmer og netfang viðkomandi aðila á listann 'Símaskráin mín'. Nánar um notkun Allir notendur nýskrá sig inn á sama hátt. Aðeins þarf að nýskrá sig einu sinni. Í skráningarferlinu er beðið um upplýsingar sem eru vistaðar undir notendanafni. Að nýskráningu lokinni, þarf notandi að skrá eign á eignalista sinn. Notandi getur breytt upplýsingum ef eitthvað breytist. T.d. ef hann selur/kaupir íbúð.  Upplýsingar sem notendur eru beðnir um í innskráningarferlinu eru notandanafn, lykilorð, netfang, kennitala og nafn. Farið er með allar upplýsingar um notanda sem trúnaðarmál. Áður en skráður notandi getur byrjað að nota viðhaldsbókina og tengt færslu nafni ákveðins fagmanns, þarf hann að skrá upplýsingar um fagmennina sína í Símaskrána sína. Boðið er upp á stöðluð form sem innihalda verklýsingu og útboðslýsingu og með tímanum fleira sem lýtur að undirbúningi verks. Öll form sem notandinn fyllir út á vefnum eru vistuð undir hans notendanafni. Húsfélögum stendur til boða að nýta nokkrar gerðir af formum sem eru sérstaklegar hugsuð fyrir húsfélög. Þar má nefna fundargerðarform, form vegna yfirlýsingar húsfélags (vegna sölu íbúðar í húsinu) og fyrrnefnd form húseigenda.